ما تغيّر حنيني

ما تغيّر حنيني ... والعطِر ... والكلامْ
ولا تغيّر هواك ولا قسينا ... سنينْ !


كنت اخاف الغرق او كنت اخاف الزحام !
كنت احب الأمل لا مرني والحنين ! !

كنت أدوّر عيونك بين برد وسلام
كنت اغيّب وجودي في وجودك وألين!


كنت أعلّم حنيني كيف صوت الغرام !
كنت اواسي سنيني يوم شحّت يدين!

كان صوتك سراب وكان صوتي هيام ...
كان جرحك كبير وكان قلبي متين ... !

مُحزن : اني أوفّي عام عن ألف عام !
ومؤلم : يكون ردك طعنة ٍ من أنين !

كِل ما طَل صبحي طاح ثوب المنام ْ

السهر بَلْ لونه والطواري ... تعين !

وكِل ماحان ليلك يا قصيدي ! تنامْ
والمدامع تصوّت والمشاعِرْ " كنين " !

أذكر بيوم وصلك .. [ ما يحين الخصام] !
حتى وان كنت تجرح كنت اخبّي وأزين!

ما أشيّن طباعي ولا يشين ( الكلام) !
وكل حرفٍ تقوله تحظنه ألف ... عين !

كنت أحاول أراضي خاطرك بـِ إحترام !
كنت أعلم جنوني يشبعَك لو يحين !

كنت أسمّي وأرتب واستفز النظام !
وأكتب إني [ احبك] في رسوم الجبين !


روح دربك سعاده والخطاوي سلام !
وأترك الجرح جرحي [ والمدامع] سنين ...




مما راق لي ..